التحدي
طبيب عنده خبرة حقيقية وحضور رقمي صفر. والمحتوى الطبي عادة بيقع بفخّين: يا بيطلع زي كتاب جامعي ما حدا بيقراه، يا بيطلع إعلان ما حدا بيصدّقه. والاثنين ما بيبنوا ثقة.
المقاربة
بنينا العلامة من الصفر: دليل هوية، هوية بصرية، نظام مونتاج، وكتابة خطافات. وأهم قرار كان بالمحتوى نفسه، بنيناه على اللي المرضى فعلاً بيسألوه وبيقلقوا منه، مش على اللي ممتع طبياً. وصمّمنا الكاروسيلز بحيث كل ثلاثة يبيّنوا كأنهم قطعة وحدة على شبكة الصفحة، فالزائر يحس إنه داخل مكان مرتّب مش صفحة عشوائية.
النتيجة
من صفر لـ ٢٣٩٥ متابع عضوي خلال ٣٠ يوم، و٢٩٠ ألف مشاهدة على بوست واحد، بصفر إنفاق إعلاني. وهاد من أكبر المشاريع اللي أشرفت عليها: كتابة، إخراج، إشراف على التصوير، ومونتاج.